“Rusiya Ermənistanın suveren hüququna hörmət edir, lakin eyni zamanda İrəvan Avrasiya İqtisadi İttifaqında (Aİİ) və ya Avropa İttifaqında (Aİ) iştirakına dair seçim etməlidir. Çünki bu birliklərin standartları bir-biri ilə uyğun gəlmir”. 

Xəbər Experti xəbər verir ki, bunu Rusiya prezidentinin mətbuat katibi Dmitri Peskov brifinqdə bildirib.

“Biz Ermənistanın bütün suveren hüquqlarına hörmətlə yanaşırıq. Lakin Ermənistan Aİİ-nin inteqrasiya prosesinin iştirakçısıdır və digər standartlara tədricən istiqamətlənmə müxtəlif sahələrdə Aİİ-nin standartları ilə uzlaşmayacaq”, – Kreml rəsmisi deyib.

Peskov qeyd edib ki, Rusiya “seçim etməyin çox vacib olduğunu” deyərkən məhz bunu nəzərdə tutur: 

“Çox vacibdir ki, Aİİ-yə üzv ölkələrdən biri hamımız üçün mühüm olan bu inteqrasiya birliyinin qaydaları, normativləri və prinsipləri ilə ziddiyyət təşkil etməsin”, – Peskov vurğulayıb.