Naxçıvan Muxtar Respublikasının müxtəlif ərazilərində intensiv yağış və qar qeydə alınıb.

Xəbər Experti xəbər verir ki, bu barədə Naxçıvan Muxtar Respublikası Ekologiya və Təbii Sərvətlər Nazirliyinin mətbuat xidmətindən bildirilib.

Qeyd olunub ki, noyabrın 8-də düşən yağıntının miqdarı Naxçıvan şəhərində 9, Şahbuzda 15, Küküdə 13, Biçənəkdə 14, Şərurda 9, Axurada 11, Ordubadda 13, Parağaçayda 18, Culfada 4, Kəngərlidə 12, Sədərəkdə isə 7 millimetr təşkil edib.

Qarlı hava şəraiti, xüsusilə muxtar respublikanın yüksək dağlıq ərazilərində qar örtüyünün yaranmasına səbəb olub. Belə ki, Ordubad rayonunun 3000 metr yüksəklikdə yerləşən ərazilərində qarın hündürlüyü 39 santimetrə çatıb. Parağaçay Qar Uçqunu Stansiyasında 18, Nürgütdə 16, Küküdə 15, Biçənəkdə 10, Axurada 9, Kəngərlidə isə 7 santimetr qar qeydə alınıb.