Ölkənin ümumtəhsil məktəblərində 2025-2026-cı tədris ilində müəllim heyəti 130 mindən çox olub. Cins tərkibinə gəldikdə isə 2022/2023-cü ildə 27 341 kişi müəllim olduğu halda, bu göstərici 2023/2024-cü ildə 26 028 nəfərə, 2024/2025-ci ildə isə 25 748 nəfərə enib. 2025–2026-cı tədris ilində Azərbaycanın ümumi təhsil müəssisələrində kişi müəllimlərin sayı 25 min ilə 30 min arasında dəyişir.

Son illər ölkədə müəllim sayının azalması kişi müəllimlərin sayının daha da azalmasına gətirib çıxaracaqmı?

Məsələ ilə bağlı Meyar.net-ə danışan təhsil üzrə ekspert Məzahir Məmmədli bildirib ki, kişi müəllimlərin sayında azalma tendensiyası davam etmir.