“İran və ABŞ arasında hələlik heç bir razılaşma olmasa da, Hörmüz boğazından neft daşınması tamamilə dayandırılmayıb”.

Xəbər Experti xəbər verir ki, bu barədə CNN məlumat yayıb.

“Oman sahillərindəki cənub dəhlizi vasitəsilə Fars körfəzindən 5 milyon barelə qədər neft keçir. İran PUA-nın vaxtaşırı həyata keçirdiyi hücumlara baxmayaraq, gəmilərin hərəkəti davam edir. Mövcud bütün çətinliklərə baxmayaraq, Hörmüz boğazından hərəkət aktiv olaraq qalır”, – açıqlamada vurğulanıb.

Qeyd olunub ki, neft tədarükü hazırda gündə təxminən 3-5 milyon barel səviyyəsində qalır.

Yaxın Şərqdə münaqişə başlamazdan əvvəl Hörmüz boğazı vasitəsilə Fars körfəzindən gündə orta hesabla təxminən 20 milyon barel neft daşınırdı ki, bu da qlobal tədarükünün təxminən 20 faizini təşkil edirdi.