“Birləşmiş Ərəb Əmirlikləri (BƏƏ) İranın ölkəyə pilotsuz təyyarə ilə düşmən hücumunu kəskin şəkildə pisləyir. Bu,  BƏƏ-nin 
suverenliyinin, təhlükəsizliyinin və sabitliyinin kobud şəkildə pozulması,  vətəndaşların və sakinlərin təhlükəsizliyinə birbaşa təhdid yaradan təhlükəli eskalasiyadır”.

Xəbər Experti xəbər verir ki, bu barədə ölkənin Xarici İşlər Nazirliyinin (XİN) yaydığı bəyanatda deyilir. 

Bildirilib ki, bu düşmən hücumları təhlükəli eskalasiya, qəbuledilməz təcavüz aktı olmaqla, beynəlxalq hüquq prinsiplərini və Birləşmiş Millətlər Təşkilatının Nizamnaməsini pozmaqla BƏƏ-nin təhlükəsizliyinə, sabitliyinə və ərazi bütövlüyünə birbaşa təhdiddir.

“BƏƏ heç bir şəraitdə öz təhlükəsizliyinə və suverenliyinə qarşı hər hansı təhdidlərə dözməyəcəyini və bu hücumlara öz suverenliyinin, milli təhlükəsizliyinin, ərazi bütövlüyünün və vətəndaşlarının, sakinlərinin və beynəlxalq qanunlara uyğun olaraq ziyarətçilərin təhlükəsizliyinin qorunmasını təmin edəcək şəkildə cavab vermək üçün tam və qanuni hüququnu özündə saxladığını vurğulayır”, – bəyanatda deyilir. 
Nazirlik daha sonra bu hücumun bütün hüquqi və humanitar normalar çərçivəsində birmənalı şəkildə pisləndiyini və rədd edildiyini vurğulayaraq, bu hücumların dərhal dayandırılmasının və bütün hərbi əməliyyatların dayandırılmasına tam əməl olunmasının təmin edilməsinin vacibliyini vurğulayıb. BƏƏ bu hücumlara və onların fəsadlarına görə tamamilə İranın məsuliyyət daşıdığını vurğulayıb.