Azərbaycan Qida Təhlükəsizliyi Agentliyi (AQTA) yay mövsümündə qidadan zəhərlənmə hallarının qarşısını almaq məqsədilə bu gün vətəndaşlara müraciət edib.

Agentliyin yaydığı rəsmi məlumatda bildirilir ki, yüksək temperatur şəraitində tez xarab olan qidaların, xüsusilə küçədə, açıq havada və soyuducu rejimi olmadan satılan ət və süd məhsullarının, kremli şirniyyatların və dönərlərin istehlakı ciddi təhlükə yaradır. AQTA vətəndaşları yalnız dövlət qeydiyyatından keçmiş, sanitar-gigiyenik qaydalara əməl olunan məkanlardan alış-veriş etməyə çağırır. Eyni zamanda, qarpız və yemiş alarkən onların birbaşa günəş şüası altında saxlanılmamasına və üzərində kəsiklərin olmamasına diqqət yetirilməsi tövsiyyə olunur.