ABŞ-də Ohayo, İllinoys və İndiana ştatlarına təsir edən şiddətli fırtına həyatı iflic edib.

Xəbər Experti xarici KİV-ə istinadən xəbər verir ki, ağaclar və elektrik xətləri aşıb, daşqınlar və yanğınlar 4 nəfərin ölümünə səbəb olub və 800 mindən çox şəxs işıqsız qalıb.

Yolların su altında qalması səbəbindən yaşayış məntəqələrinə ciddi ziyan dəyib.

Ohayoda yanacaqdoldurma məntəqəsinin damı uçub. İndiana ştatının Cenevrə qəsəbəsində 4 yaşlı uşaq evlərinin üzərinə ağacın düşməsi nəticəsində həyatını itirib.

Portage şəhərində fırtına zamanı bir evdə baş verən partlayışdan sonra yanğında bir nəfər ölüb.