İtaliyada bir iş adamının cəmi 4 gün əvvəl 8 milyon avroya aldığı yaxta batıb.

Xəbər Experti İtaliya mətbuatına istinadən xəbər verir ki, olay Sardiniyada, Porto-Çervo yaxınlığında baş verib.

30 metr uzunluğu olan dəbdəbəli “Angiola II” yaxtasının batmasına mühərriyində yaranan nasazlığın səbəb olduğu bildirilir. Hazırda yaxta Kosta-Smeralda adlı ərazidə 7 metr dərinlikdə yanı üstə qalıb. 

Qeyd edək ki, qəza zamanı göyərtədə 14 nəfər olub. Onlar vaxtında təxliyə olunublar, xəsarət alan yoxdur.